iShopaz — müstəqil sahibkarlar üçün e-ticarət platformasıdır. Satıcılara öz brendləri altında, heç bir kod yazmadan və texniki konfiqurasiya aparmadan 3 dəqiqədə mağazalarını qurub onlayn satışa başlamaq imkanı verən hazır infrastruktur təqdim edir. Alıcılar üçün isə fərqli platformalarda (Instagram, TikTok və s.) rastlaşdıqları iShopaz mağazalarından qeydiyyatdan keçmədən, sürətli və təhlükəsiz şəkildə alış-veriş etmək şəraiti yaradır. iShopaz alıcı ve satıcı arasında körpü rolu oynayır, lakin vahid axtarış bazarı (pazaryeri) deyil, hər bir mağaza öz müstəqil ünvanında fəaliyyət göstərir.

iShopaz 100% təhlükəsiz platformadır. Bütün satıcılar platformanın daxili qaydalarına və yasalara uyğun fəaliyyət göstərir, qaydaları pozanlar sistemdən dərhal kənarlaşdırılır. Alıcıların təhlükəsizliyi üçün ödənişlər yalnız satıcı məhsulu göndərib sifarişi daxili sistemdə tamamladıqdan və göndəriş təsdiqləndikdən sonra satıcıya köçürülür. Ödəniş və məlumat təhlükəsizliyi sahəsində iShopaz, Azərbaycan Respublikasının "Elektron ticarət haqqında" Qanununa uyğun fəaliyyət göstərir. Tranzaksiyalar Epoint vasitəsilə, Azərbaycan Respublikası Mərkəzi Bankının lisenziyalı ödəniş təşkilatları və bankları tərəfindən həyata keçirilir. Bütün məlumatlar SSL protokolu ilə şifrlənir və PCI DSS qlobal standartlarına uyğun olaraq yüksək səviyyədə qorunur.

Satıcı olaraq qeydiyyatdan keçmək tamamilə pulsuz və çox sadədir. Qısa bir qeydiyyat formasını dolduraraq fərdi (fiziki şəxs) və ya kommersiya (hüquqi şəxs/VÖEN-li) profilinizi 3 dəqiqədə yarada bilərsiniz. Alıcılar üçün isə heç bir sənəd və ya qeydiyyat tələb olunmur, müstəqil mağazalardan birbaşa qonaq olaraq rahatlıqla alış-veriş edə bilərlər.

Bəli, iShopaz platformasında satıcı hesabı yaradaraq ticarət fəaliyyəti ilə məşğul olmaq üçün 18 yaşınız tamam olmalıdır.

iShopaz-da satıcı hesabı açmaq, məhsul siyahıya almaq və mağazanı idarə etmək tamamilə pulsuzdur. Satış etmədiyiniz təqdirdə heç bir abunə haqqı və ya gizli ödəniş yoxdur. Yalnız satış etdikdə, vəsait bank hesabınıza köçürülməzdən əvvəl xidmət haqqı komissiyası çıxılır. Bu komissiya satış həcmindən asılı olaraq hər sifariş üçün 3.99%-dən başlayır (satış həcminiz artdıqca bu faiz dərəcəsi azalır) və hər uğurlu tranzaksiya üçün sabit 0.19 ₼ təşkil edir. Alıcılar üçün isə platformadan istifadə tamamilə ödənişsizdir.

Hər həftənin Çərşənbə axşamı saat 18:00-a qədər tamamlanmış (kuryer/çatdırılma məlumatları daxil edilərək qapadılmış) sifarişlərin ödənişləri, müvafiq xidmət haqqı çıxıldıqdan sonra hər Çərşənbə günü avtomatik olaraq satıcının qeyd etdiyi yerli bank hesabına (AZN valyutasında tranzaksiya vasitəsilə) köçürülür. Müştəriniz məhsulu taksitlə (hissə-hissə) alsa belə, məbləğ satıcıya tam şəkildə və birdəfəyə ödənilir.

iShopaz satıcıları sifarişlərini Azərbaycan Respublikası daxilində Azərpoçt poçt şöbələri, eləcə də yerli kuryer və karqo xidmətləri vasitəsilə göndərə bilərələr. Mağaza sahibləri çatdırılma statusunu daxili paneldən rahatlıqla tənzimləyə bilirlər.

iShopaz Platforma Qaydalarına və Azərbaycan Respublikasının qanunvericiliyinə uyğun olmaq şərtilə hər növ fiziki məhsulun (geyim, aksessuar, kosmetika və s.), rəqəmsal məhsulun (e-kitab, video dərslik, dizayn şablonu və s.) və ya xidmətin satışını həyata keçirə bilərsiniz. Satışı qadağan olunmuş malların tam siyahısı ilə satıcı müqaviləsinin "Qadağan Olunmuş Məhsullar" bəndində tanış ola bilərsiniz.

iShopaz satışlarınızı artırmaq üçün sizə güclü marketinq alətləri təqdim edir. Satıcı panelindən müştəriləriniz üçün xüsusi endirim kuponları yarada, yarımçıq qalmış səbətlərin (abandoned cart) izlənilməsini apara bilərsiniz. Həmçinin mağazanızı izləyən və ya məhsullarınızı favoritlərinə əlavə edən alıcılara endirimlər və yenidən stoka daxil olan məhsullar barədə avtomatik bildirişlər göndərilir.

Bəli, satıcı panelindəki "İcmal" və ya "Pul Kisəsi" bölməsindən fərqli dövrlərə aid satış dövriyyənizi, sifariş sayını, populyar məhsulları və ümumi maliyyə analizini vizual qrafiklərlə ətraflı şəkildə izləyə bilərsiniz.

Bəli, satıcı panelindən daxil olaraq geri qaytarma (refund) prosesini asanlıqla başlada bilərsiniz. İadə məbləği iShopaz balansınızdan çıxılaraq birbaşa müştərinin ödəniş etdiyi bank kartına köçürülür və bankın daxili prosedurlarından asılı olaraq bir neçə iş günü ərzində kartda əks olunur.

Bəli, iShopaz infrastrukturundan istifadə edərək xaricə satış həyata keçirə bilərsiniz. Bunun üçün satıcı profilində xaricdən ödənişlərin qəbulu bölməsi aktivləşdirilməli və beynəlxalq karqo şərtləri tənzimlənməlidir. Beynəlxalq tranzaksiyalar əlavə nəzarət və risk yoxlanışlarına tabedir.

iShopaz müstəqil mağazalara birbaşa keçid linkləri təmin edir. Alıcılar sosial şəbəkələrdə və ya internetdə qarşılaşdıqları iShopaz linkinə kliklədikdə birbaşa satıcının özəl mağaza səhifəsinə yönləndirilir, qeydiyyatdan keçmədən yalnız əlaqə məlumatlarını daxil edərək kartla təhlükəsiz alış-veriş edirlər. Alıcılar həmçinin mağazaları izləyə və onlara özəl endirimlərə daxil ola bilirlər.

Sifariş tamamlandıqdan sonra alıcıya avtomatik göndərilən izləmə linki və ya satıcı tərəfindən daxil edilən kuryer/poçt izləmə kodu vasitəsilə məhsulun yolda olub-olmadığını və harada yerləşdiyini canlı şəkildə təqib edə bilərsiniz.

iShopaz texnoloji ödəniş və mağaza infrastrukturunu təmin edən platformadır. Məhsulun kuryerə verilməsi, çatdırılma müddəti və şərtləri birbaşa alış-veriş etdiyiniz satıcı tərəfindən müəyyən edilir. Satıcının mağaza səhifəsindəki çatdırılma şərtlərinə baxa və ya birbaşa onunla əlaqə saxlaya bilərsiniz.

Visa, Mastercard və digər beynəlxalq şəbəkəyə aid bütün növ bank kartları, həmçinin yerli debet və öncədən ödənilmiş (prepaid) kartların hamısı ilə iShopaz üzərindən 3D Secure təhlükəsizlik təsdiqi ilə tam qorunan şəkildə alış-veriş edə bilərsiniz.