iShopaz platformasına ilk daxil olduğunuz andan etibarən aşağıda qeyd olunan və platformadan istifadəyə, mağaza yaradılmasına və alış-veriş edilməsinə dair bütün hüquqi şərtləri tam şəkildə oxumuş, başa düşmüş və ayrılmaz bir bütöv olaraq qəbul etmiş hesab olunursunuz.

1. TƏRƏFLƏR VƏ MÖVZU

1.1. Bu İstifadə Şərtləri, iShopaz platformasını Ziyarətçi, Qonaq Alıcı, Satıcı və ya Üzv qismində istifadə edən bütün şəxslər üçün Azərbaycan Respublikasının qanunvericiliyinə ("Elektron ticarət haqqında", "İstehlakçıların hüquqlarının müdafiəsi haqqında" AR Qanunları və Mülki Məcəllə) uyğun olaraq keçərlidir.

1.2. iShopaz platformasının sahibi və idarəedicisi iShopaz Platformasıdır (VÖEN: 3105823542, Qanuni Təmsilçi: SƏLİMOV FƏRİD ELMAN OĞLU). Platforma üzərindən təqdim edilən texnoloji SaaS həlləri və vasitəçilik xidmətləri iShopaz tərəfindən təmin olunur. iShopaz istənilən vaxt bu Şərtləri birtərəfli qaydada yeniləmək hüququna malikdir.

1.3. Dəyişikliklər platformada və ya Satıcı Panelində elan edildiyi tarixdən 15 (on beş) gün sonra qüvvəyə minir. Satıcı dəyişikliklərlə razılaşmadığı təqdirdə platformadakı üzvlüyünü birtərəfli qaydada ləğv edə bilər.

2. ANLAYIŞLAR

PLATFORMA (iShopaz) : Bütün hüquqları "iShopaz" MMC-yə aid olan, ishopaz.com domen adı və ona bağlı alt-domenlər, mobil tətbiqlər vasitəsilə Satıcıların onlayn mağaza yarada bildiyi, Alıcıların isə qonaq rejimində satın ala bildiyi SaaS e-ticarət infrastrukturudur.

SATICI (Üzv) : iShopaz-da qeydiyyatdan keçərək öz onlayn mağazasını yaradan, fiziki və ya rəqəmsal məhsullarını/xidmətlərini satışa çıxaran fiziki və ya hüquqi şəxslərdir.

ALICI (İstifadəçi) : Satıcıların iShopaz üzərindəki mağazalarından qeydiyyatdan keçmədən (qonaq checkout vasitəsilə) məhsul və ya xidmət satın alan şəxslərdir.

3. TƏRƏFLƏRİN HÜQUQ VƏ ÖHDƏLİKLƏRİ

3.1. iShopaz Satıcılara onlayn mağaza yaratmaq, məhsullarını siyahıya almaq və Epoint ödəniş sistemi inteqrasiyası ilə ödənişləri qəbul etmək imkanı verən vasitəçi texnoloji platformadır.

3.2. Ziyarətçilər və İstifadəçilər platformada yerləşdirilən məlumatların və məhsul təsvirlərinin birbaşa Satıcılar tərəfindən idarə olunduğunu qəbul edirlər.

3.3. Ziyarətçilər iShopaz-da yer alan dizayn elementlərini, kodları, loqoları və mətnləri iShopaz-ın yazılı icazəsi olmadan kopyalamayacaqlarını və rəqabət aparan fəaliyyətdə istifadə etməyəcəklərini öhdələrinə götürürlər.

4. MƏSULİYYƏTİN MƏHDUDLAŞDIRILMASI VƏ MƏHKƏMƏ HÜQUQU

4.1. iShopaz elektron ticarətdə vasitəçi platformadır ("Elektron ticarət haqqında" AR Qanunu). Müqavilədən irəli gələn mübahisələr Azərbaycan Respublikasının qanunvericiliyinə əsasən Azərbaycan Respublikasının məhkəmələrində (Bakı şəhəri məhkəmələrində) həll olunur.