Kredit/Debet Kartlarının Təhlükəsizliyi:
- iShopaz platforması Satıcılarla Alıcıları bir araya gətirən bir vasitəçi platformadır və Alıcılara qarşı birbaşa hər hansı bir məhsul və ya xidmət satışı həyata keçirmir. Tərəfinizdən alınan məhsullar iShopaz tərəfindən deyil, Satıcılar tərəfindən satışa çıxarılır və satın aldığınız təqdirdə sizə Satıcılar tərəfindən göndərilir.
- iShopaz üzərindən edəcəyiniz bütün alış-verişlərdə istənilən bankın kredit və debet kartları ilə ödəniş edə bilərsiniz.
- iShopaz vasitəsilə bank kartı ilə edəcəyiniz alış-verişlərdə platforma təhlükəsizliyiniz üçün ən son texnologiyalardan istifadə edir və lisenziyalı ödəniş xidməti təminatçıları (Epoint) ilə əməkdaşlıq edir.
- Fərdi məlumatların daxil edildiyi hər bir səhifədə internet brauzerinizdə görünən kilid simvolu brauzeriniz vasitəsilə göndərilən heç bir məlumatın üçüncü şəxslər tərəfindən izlənilməməsi üçün lazımi təhlükəsizlik tədbirlərinin (SSL sertifikatı və s.) görüldüyünün təminatıdır.
- Təhlükəsizlik məqsədilə iShopaz vasitəsilə verəcəyiniz hər bir sifariş zamanı kart məlumatlarınızı yenidən daxil etməyiniz lazımdır. iShopaz sizin fərdi məlumatlarınızı, bank kartı nömrənizi və ya kartın PİN/CVV kodlarını heç bir şəkildə qeydə almır və ya saxlamır.
- iShopaz platformasının Satıcı və/yaxud Ödəniş Xidməti Təminatçısının saxladığı/saxlayacağı məlumatlara görə heç bir məsuliyyəti yoxdur.

3D Təhlükəsizlik / 3D Secure:
- 3D Təhlükəsizlik (3D Secure), onlayn alış-verişlərin təhlükəsizliyini təmin etmək məqsədilə beynəlxalq kart təşkilatları tərəfindən hazırlanmış bir eyniləşdirmə (autentifikasiya) sistemidir. Bu üsulla həyata keçirilən alış-verişlərin etibarlı sayılması üçün kart sahibinin əməliyyatı özünə göndərilən birdəfəlik xüsusi şifrə (OTP) ilə təsdiqləməsi lazımdır.
- iShopaz üzərindən edəcəyiniz alış-verişlərdə bankınız bu təhlükəsizlik sistemini dəstəklədiyi təqdirdə ödənişinizi 3D Secure şifrənizi istifadə edərək həyata keçirməyiniz təmin edilir.

Bu Qaydalar "Ödəniş xidmətləri və ödəniş sistemləri haqqında" Azərbaycan Respublikasının Qanununa və Azərbaycan Respublikası Mərkəzi Bankının təhlükəsizlik standartlarına tam uyğundur.