iShopaz, Satıcılar ilə Alıcıları yalnız onlayn ödəniş imkanı (Epoint ödəniş sistemi vasitəsilə) təqdim etmək məqsədilə bir araya gətirən texnoloji platformadır. Satıcılar və Alıcılar qəbul, bəyan və öhdəlik götürürlər ki, iShopaz platformasının satılan məhsulların hər hansı bir səbəbdən qaytarılmasına dair heç bir məsuliyyəti yoxdur.

- iShopaz üzərindən Alıcı və Satıcının bir araya gəlməsi ilə qurulan müqavilə çərçivəsində Satıcının məsuliyyəti, Alıcı tərəfindən satın alınan məhsulu mümkün olan ən qısa müddət ərzində, tam, eksiksiz, qaydalara uyğun, qüsursuz və Alıcının platforma üzərindən bildirdiyi məlumatlara müvafiq olaraq göndərməkdir. Alıcının öhdəliyi isə satın aldığı məhsulun məbləğini iShopaz tərəfindən müəyyən edilmiş üsulla ödəmək və özünə göndərilən məhsulu təslim almaqdır.
- Alıcı, satın aldığı fiziki məhsulun özünə təslim edildiyi tarixdən etibarən 14 (on dörd) gün ərzində qaytarılması və ya dəyişdirilməsi hüququndan istifadə etməzsə, bu müddətdən sonra məhsulu qəbul etmiş hesab olunur ("İstehlakçıların hüquqlarının müdafiəsi haqqında" AR Qanununun 15-ci maddəsinə əsasən).
- Satın aldığı məhsulu qaytarmaq istəyən Alıcı birbaşa Satıcı ilə əlaqə saxlamağa borcludur. Satılan məhsulun geri qaytarılması ilə bağlı bütün məsuliyyət Satıcının üzərindədir. iShopaz platformasının qanunvericiliyə zidd hallar barədə səlahiyyətli dövlət orqanlarına edəcəyi bildirişlər istisna olmaqla, Alıcılara bu məsələdə köməklik etmək və ya dəstək göstərmək öhdəliyi yoxdur.
- Məhsulun qaytarılması halında Alıcı, özünə təslim edilən məhsulu heç bir zərər vurmadan, əmtəə görünüşünü, istehlak xassələrini, plombunu, etiketini və ödənişi təsdiq edən sənədi (kassa çeki və ya ödəniş qəbzi) tam qoruyaraq Satıcıya göndərməlidir. Bu məsələdə bütün məsuliyyət Alıcının üzərindədir.
- Məhsulun geri qaytarılması zamanı kuryer, daşınma və ya poçt xərcləri, əgər Satıcı tərəfindən fərqli şərt qeyd olunmayıbsa və ya məhsul qüsurlu (defektli) deyilsə, Alıcının üzərinə düşür. Alıcı və Satıcı qabaqcadan qəbul və bəyan edirlər ki, iShopaz platformasının bu xərclər üzrə heç bir öhdəliyi yoxdur.
- Alıcılar və Satıcılar, məhsulun hər hansı bir səbəbdən qaytarılması halında, iShopaz tərəfindən tutulan xidmət haqqının / komissiyanın (ödənişin hələ Satıcıya köçürülmədiyi və Alıcının qanuni imtina hüququndan vaxtında istifadə etdiyi hallar istisna olmaqla) geri qaytarılması öhdəliyinin heç bir şərt altında mövcud olmadığını qabaqcadan qəbul, bəyan və öhdələrinə götürürlər.

Bu Qaydalar Azərbaycan Respublikasının qanunvericiliyinə ("İstehlakçıların hüquqlarının müdafiəsi haqqında" AR Qanununun 15-ci maddəsi və AR Nazirlər Kabinetinin 114 nömrəli Qərarı) tam uyğundur.
İdarəedici Operator: iShopaz Platforması (VÖEN: 3105823542, Qanuni təmsilçi: SƏLİMOV FƏRİD ELMAN OĞLU).