- iShopaz-ın platformadakı satış və alış-verişlərə dair məhsulları yerləşdirmək, satışa çıxarmaq və satın alınan məhsulları alıcılara çatdırmaq da daxil olmaqla, lakin bunlarla məhdudlaşmayaraq, alıcılar üçün onlayn ödəniş texnologiyası təmin etməkdən başqa birbaşa heç bir öhdəliyi və zəmanətli məsuliyyəti yoxdur.

- iShopaz üzərindən Satıcı Üzvlük Müqaviləsini qəbul edərək hər hansı bir şəkildə platformaya məzmun (məhsul, şəkil, qiymət, təsvir və s.) yükləyən şəxslər “Satıcı” və platformada hesabı olmamasına baxmayaraq platformanı/onlayn mağazaları ziyarət edən və/yaxud iShopaz üzərindən təqdim olunan məhsulları satın alan şəxslər “Alıcı” (Ziyarətçi) olaraq adlandırılır.

- iShopaz platformaya satıcılar tərəfindən yüklənən hər növ məzmuna görə heç bir halda məsuliyyət daşımır. Satıcıların və Alıcıların iShopaz üzərindəki bütün fəaliyyətləri Azərbaycan Respublikasının qanunvericiliyinə ("Elektron ticarət haqqında", "İstehlakçıların hüquqlarının müdafiəsi haqqında" və Mülki Məcəlləyə) uyğun olmalıdır. iShopaz-a yüklənən hər hansı məzmunun qanunsuz olması və ya cinayət tərkibi yaratması halında bütün hüquqi məsuliyyət həmin məzmunu yükləyən şəxsin üzərinə düşür.

- iShopaz platforma üzərindən digər kənar internet saytlarına keçidlər (linklər) və ya yönləndirmələr təqdim edə bilər. Bu keçidlərin mövcudluğu iShopaz xaricindəki saytların məzmununun tərəfimizdən bəyənildiyi, dəstəkləndiyi və ya yoxlanıldığı mənasına gəlmir. Kənar saytlardan əldə edilən məzmunlara görə iShopaz heç bir məsuliyyət daşımır.

- iShopaz-da yerləşdirilmiş və ya platforma vasitəsilə əlçatan olan faylların məzmunundan istifadə edilərək həyata keçirilən hər hansı fəaliyyətə görə iShopaz-ın heç bir mülki və ya cinayət məsuliyyəti yoxdur. İstifadəçilər yaranma ehtimalı olan maddi və/və ya mənəvi, birbaşa yaxud dolaylı zərərlərə görə iShopaz-ın məsuliyyət daşımadığını qəbul edirlər.

- Satıcı və Alıcıları identifikasiya etməyə imkan verən hər növ fərdi məlumat (ad, soyad, ünvan, e-poçt, telefon və s.) "Fərdi məlumatlar haqqında" AR Qanununa əsasən məxfi informasiya hesab olunur. iShopaz istifadəçilərin razılığı olmadan fərdi məlumatları əməkdaşlıq etmədiyi üçüncü şəxslərə açıqlamayacağını öhdəsinə götürür.

- Satıcılar və Alıcılar qəbul edirlər ki, iShopaz tərəfindən görülmüş bütün ağlabatan təhlükəsizlik tədbirlərinə baxmayaraq, platformaya qarşı kənar kiberhücumlar nəticəsində fərdi məlumatların zərər görməsi və ya üçüncü şəxslərin əlinə keçməsi halında iShopaz-ın birbaşa məsuliyyəti yoxdur və bu səbəbdən platformaya qarşı heç bir iddia irəli sürülə bilməz.

- iShopaz platformada dərc etdiyi bütün hüquqi bildirişləri, müqavilə şərtlərini zəruri hesab etdiyi təqdirdə Satıcı panelində və digər bildiriş kanallarında elan etməklə, elan tarixindən 15 (on beş) gün sonra qüvvəyə minməsi şərtilə və əlavə təsdiq tələb olunmadan istənilən vaxt dəyişdirə bilər.

Bu Şərtlər Azərbaycan Respublikasının qanunvericiliyinə tam uyğun olaraq tənzimlənir və bütün Satıcılar və Ziyarətçilər üçün etibarlıdır.