1. TƏRƏFLƏR:

SATICI:

Adı – Soyadı / Adı : (Sifariş verildiyi an müvafiq mağaza sahibi tərəfindən doldurulur)

VÖEN və ya FİN :

Ünvanı :

Telefon :

E-poçt :

VASİTƏÇİ (TEXNOLOJİ PLATFORMA VƏ ELEKTRON TİCARƏT OPERATORU):

Şirkət / Operator : iShopaz Platforması

VÖEN : 3105823542

Qanuni Təmsilçi : SƏLİMOV FƏRİD ELMAN OĞLU

E-poçt : support@ishopaz.com

Əlaqə telefonu : +994 10 465 57 55

Ünvanı : Bakı şəhəri, Azərbaycan Respublikası

ALICI (İSTEHLAKÇI):

Adı – Soyadı : (Sifariş rəsmiləşdirilərkən daxil edilən ad soyad)

Çatdırılma Ünvanı :

Telefon :

E-poçt :

SATIN ALINAN MƏHSUL VƏ ÖDƏNİŞ MƏLUMATLARI:

Məhsulun Adı :

Miqdarı :

Çatdırılma Ünvanı :

Təslim Alacaq Şəxs :

Çatdırılma Haqqı : Çatdırılma və daşınma xərcləri, əgər Satıcı tərəfindən fərqli şərt göstərilməyibsə, Alıcının üzərinə düşür. Bu məbləğ sifariş rəsmiləşdirilərkən yekun məbləğə əlavə olunur.

Yekun Sifariş Məbləği : (Azərbaycan Manatı — AZN ilə)

Ödəniş Üsulu : Bank kartı (Epoint sistemi vasitəsilə 3D Secure onlayn ödəniş)

2. MÜQAVİLƏNİN MÖVZUSU VƏ HÜQUQİ ƏSASLAR

2.1. Bu Müqavilə Azərbaycan Respublikasının Mülki Məcəlləsi (xüsusilə 400-cü və müvafiq alqı-satqı maddələri), "İstehlakçıların hüquqlarının müdafiəsi haqqında" Azərbaycan Respublikasının Qanunu (Maddə 15), "Elektron ticarət haqqında" Azərbaycan Respublikasının Qanunu və digər aidiyyatı normativ hüquqi aktların müddəalarına uyğun olaraq Satıcı və Alıcı arasında elektron alqı-satqı münasibətlərini tənzimləyir.

2.2. Müqavilənin tərəfləri olan Satıcı və Alıcı, bu Müqavilə ilə birlikdə istehlakçı hüquqlarının müdafiəsi və elektron ticarət haqqında Azərbaycan Respublikasının qanunvericiliyindən irəli gələn bütün öhdəlik və məsuliyyətlərini bildiklərini və qəbul etdiklərini bəyan edirlər.

3. ÜMUMİ MÜDDƏALAR VƏ İCRA ŞƏRTLƏRİ

3.1. Bu Müqavilə çərçivəsində iShopaz platforması ("iShopaz" MMC) yalnız vasitəçi texnoloji platforma (elektron ticarət vasitəçisi) rolunu icra edir. Alıcı qəbul edir ki, iShopaz-ın satılan məhsula, onun fiziki keyfiyyətinə, çatdırılmasına və ya daşınmasına görə birbaşa məsuliyyəti yoxdur. Sifariş edilən məhsulun məbləği iShopaz (Epoint) vasitəsilə Alıcıdan qəbul edilir və Alıcı məhsulun dəyərini platforma üzərindən ödəməklə, ödəniş öhdəliyini Satıcı qarşısında yerinə yetirmiş hesab olunur.

3.2. Müqavilənin birbaşa tərəfləri Alıcı və Satıcıdır. Müqavilənin icrası ilə bağlı bütün öhdəlik və məsuliyyətlər tərəflərin üzərindədir. Müqavilə Alıcı tərəfindən elektron qaydada təsdiqləndiyi tarixdən qüvvəyə minir.

3.3. Alıcı, 1-ci maddədə qeyd olunan Müqavilə mövzusu olan məhsulun xüsusiyyətlərini, qiymətini və satış şərtlərini oxuyub anladığını, məhsulun satın alınması üçün elektron mühitdə lazımi təsdiqi verdiyini bəyan edir.

3.4. Satıcı, Müqavilə mövzusu olan məhsulun sağlam, tam, sifariş şərtlərinə və elanda göstərilən xüsusiyyətlərə uyğun olaraq, varsa zəmanət sənədləri və istifadə təlimatları ilə birlikdə Alıcıya təslim edilməsindən məsuliyyət daşıyır.

3.5. Hər hansı texniki və ya bank səbəbindən ödənişin kartdan çıxılmaması və ya sonradan ləğv edilməsi (chargeback) halında, məhsulun göndərilməsi dayandırılır və ya təqdim olunan rəqəmsal məhsula giriş ləğv edilir.

3.6. Alıcı qəbul və bəyan edir ki, hissə-hissə (taksit) ödənişlər zamanı tətbiq oluna biləcək faiz və komissiyalar bank ilə Alıcı arasındakı kredit kartı müqaviləsi çərçivəsində tənzimlənir və iShopaz bu barədə məsuliyyət daşımır.

3.7. Ödəniş və Geri Ödəniş Qaydası:

3.7.1. Məhsulların qiymətləri Azərbaycan Manatı (AZN) ilə göstərilir. Onlayn kart vasitəsilə verilən sifarişlər, ödəniş məbləği uğurla alındıqdan sonra icraya götürülür.

3.7.2. Kart vasitəsilə satın alınmış məhsulun qaytarılması halında, məbləğ nəğd şəkildə verilmir. Geri qaytarılan məbləğ Epoint ödəniş şlüzü vasitəsilə Alıcının ödəniş etdiyi bank kartına köçürülür. Məbləğin karta əks olunma müddəti Alıcının bankının daxili prosedurlarından (adətən 1-7 iş günü) asılıdır.

3.8. Alıcı və Satıcı, bu Müqavilədə qeyd olunan fərdi məlumatlarının "Fərdi məlumatlar haqqında" AR Qanununa uyğun olaraq sifarişin icrası və çatdırılması məqsədilə kuryer/poçt xidmətlərinə ötürüləcəyini qəbul edirlər.

4. QAYTARILMA VƏ BİRTƏRƏFLİ İMTİNA HÜQUQU

4.1. Alıcı, fiziki məhsulu təslim aldığı tarixdən etibarən 14 (on dörd) gün ərzində heç bir əsas göstərmədən məhsulu qaytarmaq və ya dəyişdirmək hüququna malikdir ("İstehlakçıların hüquqlarının müdafiəsi haqqında" AR Qanununun 15-ci maddəsinə əsasən). Məhsul geri qaytarılarkən onun əmtəə görünüşü, istehlak xassələri, plombu, etiketi və ödəniş çeki tam şəkildə qorunmalıdır. Qaytarılma zamanı kuryer/poçt xərcləri, əgər Satıcı tərəfindən fərqli şərt göstərilməyibsə, Alıcının üzərinə düşür.

4.2. Qanunvericiliyə (AR Nazirlər Kabinetinin 1998-ci il 21 may tarixli 114 nömrəli Qərarı) və e-ticarət qaydalarına uyğun olaraq aşağıdakı məhsullar üzrə Alıcının geri qaytarma hüququ YOXDUR:
• Alıcının fərdi sifarişi ilə xüsusi hazırlanan və ya fərdiləşdirilən mallar;
• Tez xarab olan və ya son istifadə müddəti az olan mallar;
• Gigiyena və sağlamlıq baxımından qoruyucu plombu/qablaşdırması açılmış mallar (alt paltarları, kosmetika və s.);
• Qoruyucu qablaşdırması açılmış proqram təminatları, audio/video yazılar, kitablar;
• Anında təqdim edilən qeyri-maddi rəqəmsal məhsullar (e-kitablar, onlayn kurslar, proqram lisenziyaları, rəqəmsal fayllar);
• Zərgərlik və qiymətli metallardan hazırlanan məhsullar.

5. FORS-MAJOR (MÜCÜBİR SƏBƏBLƏR)

5.1. Tərəflərin iradəsindən asılı olmayan, təbii fəlakət, müharibə, dövlət tərəfindən tətbiq edilən qadağalar və analoji mücbir səbəblər nəticəsində öhdəliklərin icra edilə bilməməsinə görə tərəflər məsuliyyət daşımır.

6. MÜBAHİSƏLƏRİN HƏLLİ VƏ SƏLAHİYYƏTLİ MƏHKƏMƏ

6.1. Bu Müqavilədən irəli gələn mübahisələr danışıqlar yolu ilə həll olunur. Razılıq əldə olunmadıqda, mübahisələrə Azərbaycan Respublikasının qanunvericiliyinə əsasən Azərbaycan Respublikasının müvafiq məhkəmələrində (Bakı şəhəri məhkəmələrində) baxılır.

7. QÜVVƏYƏ MİNMƏ

7.1. Bu Müqavilə Alıcının elektron mühitdə sifarişi rəsmiləşdirərkən təsdiqləmə düyməsini klikləməsi anından qüvvəyə minir.